Noong ika-1 ng Agosto, 2024, pormal nang naihatid ng Rizal Technological University (RTU) ang kanilang donasyon para sa mga nasalanta ng Bagyong Carina sa tanggapan ng No One in Need Foundation bilang pagsuporta sa programa nitong “A Drop of Love”. Ang donasyon ay bunga ng nagkakaisang pagkilos ng buong komunidad ng RTU sa ilalim ng Proyektong KABALIKAT. Ang proyektong ito ay pinangunahan ng Tanggapan ng Ekstensiyon at mga Serbisyong Pangkomunidad, katuwang ang Pang-unibersidad na Tanggapan ng Ugnayang Pampubliko, Tanggapan ng Pangkalahatang mga Serbisyong Pampangasiwaan, Tanggapan ng mga Serbisyong Pamamahalang Pampananalapi, Tanggapan ng Pamamahala sa Reduksiyon ng Banta ng Sakuna, Yunit ng Pagpapanatili ng mga Gusali at Pasilidad, Yunit ng mga Serbisyong Pantransportasyon, at RTU Kawani Multi-Purpose Cooperative kasama ang iba’t ibang tanggapan at kolehiyo ng unibersidad.
Kinikilala rin ang inisyatiba ng Surian ng Malayang Pagkatuto at Dihital na Edukasyon na nakakalap ng kabuoang donasyon na nagkakahalaga ng P8,866 mula sa mga kalahok ng Project CLOUD 4.0. Dagdag pa rito, ang RTU Kawani Multi-Purpose Cooperative ay nagbahagi ng 3 kahon ng instant noodles.
Kaugnay nito, narito ang ulat sa mga nakalap na donasyon:
| Koleksyon | |
| GCASH | 10, 734.24 |
| BANK | 355 |
| CASH | 16,350 |
| Kabuoan | 27,439.24 |
| Disbursement | |
| 9 sacks of 25kg rice | 13,275 |
| 210 pcs of Instant Coffee 140 cans of Tuna Canned Goods 140 packs of Instant Noodles 140 cans of Meatloaf Canned Goods | 13,610.95 |
| Kabuoan | 26,885.95 |
| Kabuoang Koleksyon | 27,439.24 |
| Kabuoang Disbursement | 26,885.95 |
| Natitirang Salapi | 553.29 |
*Ang natitirang salapi ay pansamantalang itatago ng kinatawan mula sa Tanggapan ng mga Serbisyong Pamamahalang Pampananalapi. Gagamitin ito sa mga susunod pang kaparehong proyekto ng unibersidad.
Kaugnay nito, narito naman ang iba pang donasyon na nakalap
| Donasyon | Bilang |
| Chocolate Cake | 50 pcs (5 packs) |
| 3 and 1 Coffee | 40 pcs |
| Tuna Canned Goods | 5 pcs |
| Meatloaf Canned Goods | 15 pcs |
| Sardines | 98 pcs |
| Instant Noodles | 24 pcs |
| Bottled Water | 100 pcs |
| Pasta Noodles | 8 pcs |
| Corn Beef Canned Goods | 12 pcs |
| Canned Liver Spread | 13 pcs |
Lubos po tayong nagpapasalamat sa nagkakaisang adbokasiya ng unibersidad. Buong puso po nating kinikilala at pinahahalagahan ang suporta ng kabuoang komunidad ng RTU mula sa mag-aaral, kaguruan, mga kolehiyo, mga tanggapan, mga kawani, gayundin ang mga alumni. Higit sa lahat, ang namamalaging suporta ng iba’t ibang stakeholders tungo sa patuloy na serbisyong pangkomunidad.
